Disparition d’Edmond Romieu

DESPARTIDA

Aprenguèrem ambe fòrça tristesa la despartida, a la fin del mes d’octòbre, d’Edmond Romieu, roergàs de la bona, sòci valent e afogat del Grelh roergàs e de la nòstra associacion qu’i fasiá ressondir la siu lenga mairala, qu’aviá apresa al brèç, l’occitan de Roèrgue, la lenga de Besson e de Bodon. Coneishiá totas las òbras dels autors del siu país. Mantuns còps nos parlava de Bodon, de Mouly, de tantis autris, o del realizator de cinemà Georges Rouqier, l’autor de Farrebique e Biquefarre.
Èra totjorn un plaser de le veire a las nòstras sesilhas qu’i èra totjorn present, e de l’escotar, coma le jorn que nos venguèc presentar le siu libre subre l’amontanhatge en Aubrac.
Edmond fusquèc enterrat a Cransac en Nòrd-Avairon, le país dels carbonièrs de La Sala. Adiu Edmond, nos mancas e non te debrembarem pas jamès. Seràs totjorn dins les nòstris còrs.