La Société des Félibres de Paris - Les Amis de la langue d’oc

Acuèlh del sit > 5. Articles > Disparition de Claude Bressand, président des Méridionaux de Sceaux

Disparition de Claude Bressand, président des Méridionaux de Sceaux

dijòus 4 d'octobre de 2018

DESPARTIDA

Es ambe fòrça tristesa qu’aprenguèrem la mòrt del nòstre amic Claude Bressand, capiscòl dels Miègjornals de Cèus, le 30 de julhet passat, d’un còp de sang . Aviá 72 ans.
Fusquèc enterrat le 6 d’agost, dins las Alpas de Provença nauta, le siu país que ne parlava tan plan la lenga.
Felibre de tria, professor d’elèi, òme saberut d’una granda cultura, èra totjorn un plaser de charrar amb el que vos fasiá descobrir tot un flòc de causas interessantas ambe simplicitat, pedagogia, e simpatia.
Mercès a la siu òbra, les Miègjornals de Cèus prenguèren un vam novèl e le Felibritge en region parisenca se posquèc espandir en associacion ambe les Amics de la lenga d’Oc. Serà malaisit de le remplaçar. Era totjorn actiu al Comitat felibrenc de Cèus que sabiá balhar les conselhs e encoratjaments que caliá .
Ja èm de tot còr ambe la siu familha per partejar la siu pena.
Planherem temps la siu despartida subta e nos brembarem totjorn la siu preséncia calorosa.
Valent aparaire de la lenga nòstra demorarà sempre als nòstres costats al servici de la Causa mistralenca.

Majoral J-F C.

SPIP | esqueleta | | Plan del sit | Seguir la vida del sit RSS 2.0