La Société des Félibres de Paris - Les Amis de la langue d’oc

2014-2nd trimestre

diluns 24 de març de 2014, per  Joan-Francés Costes

CALENDIER DE LAS ACTIVITATS DEL 2d TRIMESTRE DE 2014

Dissabte 12 d’abrial de 2014 : 14 o 30, sala 110, 1er estanci, pel costat dreit de la cort, facultat de dreit Paris-Panthéon (12, place du Panthéon 75005 Paris) : Quentin Sicard, professor d’istòria, evocarà Lou Gau, revisto mesadiero pèr li revendicacioun de la lengo prouvençalo à l’escolo, dins la cadiero e à la tribuno poupulàri.

Aquesta publicacion fusquèc creada pel paire Xavièr de Fourvières (que ne fusquèc le director, ambe Paul Ruat) e paresquèc del 15 de genièr de 1897 al mes de decembre de 1910 (darrièr numerò, le 181), pendent 14 ans.

Ambe Lou Gau, Xavièr de Fourvières s’interessa a totas las batèstas que l’òme d’Oc mena cada jorn per manténer e espandir la siu identitat.

Dissabte 17 de mai de 2014 : Fèsta parisenca de Santa Estela. Nos tornarem trobar a 11 oras 30 al pè de l’estatua de Dòna Clamença (Clémence Isaure), en l’onor dels Jòcs florals de Tolosa, al jardin de Luxembourg.

Vos esperam totis ambe las vòstras poësias. Cadun pòt venir legir les tèxtes que li agradan e charrar en lenga nòstra.

A 12 oras 30, repaish de l’amistat dins un restaurant del barri pels amics qu’ac voldràn.

A 14 o 30, sala 110 de la facultat de dreit Paris-Panthéon, Nicolas Quint, lingüista, vendrà presentar le metòde novèl Assimil d’occitan que ven d’espelir al mes de febrièr.  

Del 30 de mai al 1 de junh de 2014 : felibrejada annadièra de la vila de Cèus e del felibritge parisenc :

Divendres 30 de mai al ser : espectacle al Teatre dels Gémeaux ;

Dissabte 31 de mai : l’aprèp-dinnada : collòqui mistralenc : Mistral a Paris en 1884 ;

Dimanche 1 de junh: a partir de 9 oras 15 : Messa en occitan celebrada per l’abat majoral Jòrdi Passerat ; ceremonia al jardin dels Felibres en preséncia del Capolièr del Felibritge, Jacques Mouttet ; passacarrièra ; vin d’onor e remesa de medalhas de Florian ; repaish ; espectacle ambe le grop del Martegue La Capoulièro ; romievatge subre las tombas de Josèp Loubet, refondator dels Amics de la lenga d’Oc e de Leon Ancelly.

Le programa de la felibrejada serà mandat als sòcis al mes de mai.

SPIP | esqueleta | | Plan del sit | Seguir la vida del sit RSS 2.0