2014-1er trimestre

CALENDIER DE LAS ACTIVITATS DEL 1er TRIMESTRE DE 2014

Dissabte 11 de genièr de 2014 : 14 o 30, sala 110, 1er estanci, pel costat dreit de la cort, facultat de dreit Paris-Panthéon (12, place du Panthéon 75005 Paris), vrespada poëtica e musicala ambe Gui Mathieu, Mèstre en Gai saber, e Domitilla Vigneron, del grop de musica trobadorenca Flor Enversa , que presentarà le siu darrièr CD « Blacatz de Proensa », consacrat al sénher Blacatz III de Provença, dit lo Gran guerrièr, que visquèt entre la fin del sègle XII e la debuta del sègle XIII ( 1176-1239) e que li agradavan « las femnas, la galantariá, la guèrra, las fèstas bronzissentas, los cants, los divertiments e tot çò que dona prètz e valor a un òme onèst ». Per acabar la vrespada, festejarem les reis ambe las còcas tradicionalas dels païses nòstris.

Dissabte 25 de genièr de 2014 : 14 o 30, sala 3, al 1er estanci de l’escalièr M, ala Soufflot, facultat de dreit Paris-Panthéon (12, place du Panthéon 75005 Paris), DICTADA OCCITANA, en ligason ambe las manifestacions que se tendràn dins les Païses occitans e en Catalonha. Es organizada ambe le cors d’occitan de l’Aperòc (POS), l’IEO-París, Radio País, le CREO de la Talvera e le club occitan de Noisy.

Dissabte 22 de febrièr de 2014: 14 o 30, a Cèus (Sceaux, 92330), sala del prumièr estanci del cinema « Le Trianon », 3 bis, rue Marguerite Renaudin, Stéphane Giocanti, escrivan, autor de mantuns ensages, que s’interessèt a escrivans coma T. S. Eliot, Jules Laforgue, Frederic Mistral, e Carles Maurras, que fasquèc la siu tèsi de doctorat sus el en 1994, Charles Maurras félibre. L’itinéraire et l’œuvre d’un chantre, e li consacrèc una biografia en 2006 (reed 2008), Maurras : le chaos et l’ordre, parlarà de la siu òbra e presentarà le siu darrièr libre paregut a la debuta de 2013 ançò de Flammarion, C’était les Daudet. Aquesta manifestacion es organizada ambe les Miegjornals de Cèus e la Velhada d’Auvernha.

Dissabte 22 de març de 2014 : 14 o 30, sala 110, facultat de dreit Paris-Panthéon (12, place du Panthéon 75005 Paris), conferéncia del nòstre amic escrivan, ensagista, Rémi Soulié : Joseph d’Arbaud, Paul Arène et le crépuscule des Dieux.