RENDUT-COMPTE DEL CA DEL 14 DE DECEMBRE DE 2013
L’acamp del Conselh d’administracion de la Societat dels Felibres de Paris se debanèt lo dissabte 14 de decembre de 2013, 14 oras, a l’Universitat Paris I Panteon.. Èran presents (dins l’òrdre alfabetic) : Francés d’Abrigeon, Arletta Birot, Joan-Francés Costes, Gerard Ligozat, Gui Matièu, Susana Odin, Robert Rousset, Denise Tourillon e Daniel Viargues, valent-a-dire totes los membres parisencs del Conselh. (los rèire-capiscòls de la SFP-ALO, Joan Fourié e August Armengaud, membres d’onor e que demòran en Occitània, èran absents).
1-ELECCION DEL BUREU
Lo conselh decidiguèt de tornar condusir lo burèu elegit l’an passat dins totes los pòsts (cinc) : Capiscòl : Joan-Francés COSTES, majoral del Felibritge Secretari general : Francés d’ABRIGEON, mèstre d’òbra del Felibritge Secretari general adjunt : Gerard LIGOZAT, felibre mantenèire Clavaira : Susana ODIN, felibra mantenèira Clavaira adjunta : Arleta BIROT Lo secretari general, que diguèt qu’es pas opausat a son remplaçament dins las annadas seguentas, ajuda lo president dins l’administracion de la societat, redigís los renduts-comptes estatutaris e los corrièrs/corriels divers. Lo secretari adjunt es cargat de la gestion del siti internet en ligason amb lo secretari general.
2- LA DESIGNACION D’UN COMISSARI DELS COMPTES NOVÈL
Pèire Galy, pr’amor de problemas de santat, a decidit de demissionar. Lo Burèu s’engatja a li trobar un remplaçaire, sens manca abans l’estièu. Dins tota associacion, se dèu de figurar un comissari dels comptes.
3- PROGRAMA DELS ACAMPS DEL 1er TRIMÈSTRE DE 2014
Lo conselh aprova lo calendièr d’activitats del 1er trimèstre prepausat pel capiscòl . (Cf. page 1 del Vira-Solelh n°43):
11 de genièr : Gui Matièu (òbras novèlas) e Domitille Vigneron (lo darrièr CD de son grop « Flor enversa »)
22 de febrièr : Stéphane Giocanti ( « C’était les Daudet »)
22 de març : Rémy Soulié (Joseph d’Arbaud, Paul Arène e le crépuscule des Dieux.)
sens doblidar la dictada occitana del dissabte 25 de genièr
4 – PUBLICACIONS
La, SFP-ALO publicarà una o doas brocaduras, se los autors o vòlon plan, amb lo tèxt de las charradissas de Brigitte Saouma , « La nocion d’amor en çò de Sant Bernard e los trobadors » (acamp SFP del 23 de març de 2013) e de Remesi Soulié (acamp del 22 de març de 2014).
5 – PUNT SUS LA TIÈRA DELS SÒCIS
Al jorn de uèi, 14 de decembre, avèm 42 sòcis individuals, 36 dins la region parisenca, 6 dins las regions. Son solament quatre qu’an pas pagadas lors escotissons. Cap de progression de 2012 a 2013 (decès e demissions compensats per adesions novèlas). Per ensajar de trobar de sòcis novèls (e joves !), se poiriá sollicitar los escolans encontrats a la dictada occitana del 25 de genièr Lo servici de premsa es mantengut per Joan Marty, Krystel Maurin, Jacques Mourgues, Patrici Roques, Peireta Berengier, Zefirin Bosc, Maria-Nadala.Dupuis e Pèire Fabre.
6- LO SITI INTERNET
Gérard Ligozat e F.d’Abrigeon fan lo punt sus la situacion del siti aprèp gaireben doas annadas de foncionament. ESTATISTICAS Desempuèi la debuta del siti, en 2012, duscas al jorn de uèi, 14 de decembre, avèm enregistrat 3 541 visitas. 17 sitis son à l’origina de las visitas, per l’essencial, Google, rapieta e solament aprèp, nòstra adreça « amilengoc » Aquò vòl dire que mantes sòcis i van pas jamai. Emai per recèure de criticas, los que s’ocupan del siti, desirerián que, un o dos còps cada an, mai de sòcis o consultèsson. QUAL FA QUE Cap de cambiament. : Gerard Ligozat es l’administrator (pòst unic) e Francés d’Abrigeon es lo redactor, tanben unic, cargat de la redaccion d’articles e propausicions de misa en linha (aprobacion necessari de l’administrator) Los escrivans de l’associacion, sollicitats per G.L e F.A., son d’acòrdi per mandar qualqu’unas de lors creacions, Denise Tourillon, Robert Rousset e Gui Matieu, en mai de Joan-Pèire Bertrand que nos a ja comunicat una molonada de texts. Que sian mercejats !
7-LO DEBANAMENT DE NÒSTRAS SESILHAS
Maldespièch nòstre engatjament prés l’an passat, avèm pas cambiada nòstra marrida abitud de començar las sesilhas gairenen a 15 oras al luòc de 14.30 previstas. O cal far d’ara enlà, tant mai que… …los debats sus questions d’actualitat eventualament prepausats per un membre del Burèu ne pòdon que venir abans la charradissa del jorn, lo conferencièr estent invitat de venir a 15 oras o 15o.15.Cal aver de temps per debatre e lo conferencièr non deu pas esperar. Quines debats ? Per eisemple, sus : - « Bastir », l’associacion creada aprèp la publicacion del « Manifèst occitanista » (las eleccions municipalas son dins tres meses) ; - La debuta del’aplicacion de la lei Peillon -La pression de far sus nòstres elegits per que la ratificacion de la Carta europenca de las lengas minoritàrias n’en demòre pas al estadi de « l’Assemblée nationale » ; e.c.a…
RSS 2.0