Dissabte 5 d’octòbre de 2013 : Collòqui sus la batalha de Murèth (12 de setembre de 1213), organizat ambe les Miegjornals de Cèus e la Velhada d’Auvernha pel 800enc aniversari d’aqueste eveniment.
Intervencions de :
Felip Martel (Universitat de Montpelhièr) : « Muret : l’Occitanie un Etat manqué ? »,
Martin Motte (Universitat de Paris IV): « La stratégie militaire du roi Pierre II d’Aragon et celle de Simon de Montfort ».
Sceaux (92), Hôtel de ville de Sceaux, 122, rue Houdan, Salle Erwin Guldner, 14 oras (cafè d’acuèlh tre 13 o 30).
Per aquesta ocasion, le Capolièr del Felibritge, Jacques Mouttet, serà present que remetrà la cigala de Majoral al Joan-Francés Costes. Etz totis convidats a la ceremonia.
Dissabte 16 de novembre de 2013 : 14 o 30, sala 110, 1er estanci, pel costat dreit de la cort, facultat de dreit Paris-Panthéon (12, place du Panthéon 75005 Paris), amassada generala (rapòrt moral e rendut compte financièr ; conselh d’administracion de renovelar : dos sètis son de renovelar ongan, les de Gui Mathieu e d’Alexis Quentin : mandats de renovelar e candidaturas son de mandar al president abans le 13 de novembre ; programa, questions divèrsas).
Les poders pòden èstre mandats al president.
« Ieu, sotasignat balhi tot poder a per que me represente a l’amassada generala del dissabte 16 de novembre de 2013.
A lo
Bon per poder
En segonda partida de la sesilha, Joan-Pèire Bertrand, autor lemosin, presentarà le siu darrièr libre en occitan lemosin : P’itas istòrias .
Dissabte 14 de decembre de 2013 : 14 o 30, sala 110, mateish lòc qu’al dessús, la majorala Peireta Bérengier parlarà de Nicolas-Claude Fabry de Peiresc (Beugencier,1580-Ais de Provença,1637), intellectual de l’epòca barròca, scientific, òme de letras, « un Grand Prouvençau que touquè en tóuti li sciènci, un biblioufile chanu, presidè lou Parlamen de z-Ais. Fuguè un grand astrounome ».
A la fin de la sesilha, tastarem, coma de costuma, les tretze dessèrts provençals.
RSS 2.0