La Société des Félibres de Paris - Les Amis de la langue d’oc

Magazinas

dijòus 31 de mai de 2012, per  Francis d’Abrigeon

Magazinas

I a solament dos magazinas nacionals, estampats sus papièr jornal, l’un setmanièr e ara bimesadièr que se sòna totjorn « La Setmana » (sostitol : lo jornal occitan, gazeta occitana d’informacion), e l’autre mesadièr « Prouvenço aro ».
Totis dos son escrichs de tot en tot en lenga nòstra : « Prouvenço aro » en provençal rodanenc (grafia romanilhenca) e « La Setmana » en lengadocian o gascon o, d’unes còps, rarament, en provençal e totjorn en grafia alibertina.
Totis dos son de legir : defòra del dialect, son pro diferents. « Prouvenço aro » publica novèlas, bibliografia, leiçons de gramatica e informacions sus la Provença. Parla rarament de politica (ça-que-la reagís, urosament, quand lo jacobinisme se descabresta) ; « La Setmana » publica pas de textes literaris mas dona d’informacions fòrça variadas sus l’actualitat. Es vertadierament un jornal generalista. Cal notar que s’interessa pas solament à la defensa de la lenga d’òc e de la decentralisacion dins l’exagòn mas tamben à totas las minoritats dins lo monde.

- PROUVENÇO ARO
Director (e cap de redaccion) : Bernard Gièly
Director administratiu : Patricia Dupuy
Prètz à l’unitat : 2,10 €
Abonament per l’annada  (11 numeròs) : 25 € (en çò de P.Dupuy, 18 carrièra de Beyrouth, Mazarga-13009 Marselha) Darrièr numerò paregut : 277 de Mai de 2012

- LA SETMANA
Directritz : Brigitte Bouner
Cap redactritz : Fanny Lartigot
Editorialista : Andriu de Gavaudan
Critic literari : Sergi Viaule
Abonament per l’annada (26 numeròs de 16 pajas cadun) : 90,00 € amb la possibilitat d’un versament mesadièr de 6,75 € (en çò de VISTEDIT-BP 50486-LESCAR INDUSPAL Cedex)
Primièr numerò : 18 de mai de 1995, e darrièr numero paregut : 1091 del 8 de decembre de 2017 (ja una longa vida !)
Lo site publica una letra d’informacion. Se pòt abonar.

SPIP | esqueleta | | Plan del sit | Seguir la vida del sit RSS 2.0