RENDUT-COMPTE DE L’ACAMP DEL CONSELH D’ADMINISTRACION
(19 de novembre.de 2011)
L’acamp del Conselh d’administracion de la Societat dels Felibres de Paris se debanèt lo dissabte 19 de novembre de 2011 a l’Universitat de Panteon-Sorbona.
Èran presents (dins l’òrdre alfabetic) : Francés d’Abrigeon, Arletta Birot, Joan-Francés Costes, Gerard Ligozat, Gui Matièu, Susana Odin e Daniel Viargues.
Desencusats : Alexis Quentin, Danisa Tourillon, Ròbert Rousset, majoral e sòci d’onor e mai los dos autres sòcis d’onor que demòran en Occitània, los rèire-capiscòls de la SFP-ALO, Joan Fourié e August Armengaud .
I - ELECCION DEL BURÈU
Lo conselh decidiguèt de tornar condusir lo burèu elegit l’an passat dins los quatre pòsts que sègon :
Capiscòl : Joan-Francés Còstes, mèstre d’òbra del Felibritge ;
Secretari general : Francés d’Abrigeon, felibre mantenèire ;
Secretari general adjunt : Gerard Ligozat, felibre mantenèire;
Clavaira : Susana Odin, felibra mantenèira ;
Al pòst de clavaira adjunta : Arleta Birot remplaça Francesa Romieu.
Lo secretari general ajuda lo president dins l’administracion de la societat, redigís los renduts-comptes estatutaris e los autres corrièrs.
Lo secretari adjunt es cargat, de la gesrion del siti internet.
II - PROGRAMA DEL 1er TRIMESTRE DE 2012
Lo conselh aprova lo calendièr d’activitats del 1er trimèstre prepausat pel capiscòl :
7 de genièr : lectura de tèxtes de Gui Matièu e benlèu d’autres perque s’agirà de teatre ;
11 de febrièr : Michel Alessio, de la DGLF LF presentarà son libre (revirada d’un estudi sul judeò-comtadin) ;
10 de març: Nicolas Quint poiriá presentar sa version novèla de l’Assimil occitan que prepara.
III - PUBLICACIONS
Coma lo decidiguèt l’acamp general del 19 d’octòbre, la SFP-ALO publicarà en 2012 doas brocaduras :
per començar, una edicion novèla, completada e corregida, del « Lexique des occitanismes résiduels et mots apparentés dans le dialcte berrichon (Indre-Cher) ;
puèi, doas charradissas de Martin Motte : « Mistral e l’òrdre del monde : cultura, politica e diplomacia» (febrièr de 2010) » e una autra (Lois Denis de Valverane, o lo baile de Suffren, o l’imatge de papat dins l’òbra de Mistral). De veire amb l’autor.
IV – PUNT SUS LA TIÈRA DELS SÒCIS
Al jorn de uèi, 20 de novembre, avèm 50 sòcis individuals, 40 dins la region parisenca, 10 dins las regions. Tres de mens que l’an passat.
V - LO SITI INTERNET
Gérard Ligozat fa lo punt sul siti e las evolucions possiblas.
ESTATISTICAS
Del 1er d’octòbre al 17 de novembre, avèm enregistrat 96 visitas. La mejana per jorn desempuèi lo 15 d’octòbre es de 4 per jorn e lo maximum per un jorn es de 13.
L’ESTRUCTURACION DEL SITI
Lo siti est organisat, aprèp l’ACCUEIL en 6 rubricas :
Archius, Calendièr, l’Associacion, la lenga d’Oc e sos dialèctes, la Promocion de la lenga e las Publicacions
amb lo mai sovent de sos-rubricas, per exemple, per la rubrica « L’ASSOCIACION » : Rendut-compte de las activitats, sòcis, istòria e tòcas de l’associacion, bulletin d’adesion, publicacions.
Los sòcis del Burèu estiman que, manca qualques rectificacions minòras, aquela estructuracion es satisfesenta.
Sus la proposicion de G.Ligozat, la pagina d’acuèlh serà completada per una sos-rubrica « darrièras novèlas-informacions urgentas », los programas detalhats de Radio-Pais seràn sul siti e tot çò que figura dins lo « Vira-solelh » devrà i èstre tanben dins de rubricas diferentas coma CALENDIER (conférencias-pareissudas o per parèisser) e L’ASSOCIACION (Rendut-comptes-Publicacions).
Lo conselh d’administracion delega al capiscòl, J-F.Costes, e al secretari general, F.d’Abrigeon, la tòca de far, d’acòrdi amb l’administrator del siti, G. Ligozat, d’autras modificacions , decision pertinenta perque un estatut de redactor serà creat.
CREACION D’UN ESTATUT DE REDACTOR
Lo sistema SPIP oferís 3 estatuts : administrator, redactor e visitaire. G.Ligozat es l’administrator (pòst unic) e lo demorarà . Dos pòsts de redactors seran creats, cargats de redigir d’articles, de los prepausar a la mesa en linha (aprobacion necessària de l’administrator e de totes los redactors).
J.- F.Costes e F.d’Abrigeon son nomenats. Lo capiscòl demanda per aquel rendut-compte se d’autres sòcis de l’associacion son volontaris.
G.Ligozat, J.-F Costes e F.d’Abrigeon s’acamparàn en genièr per finalisar aquesta organisacion novèla
RSS 2.0