La Société des Félibres de Paris - Les Amis de la langue d’oc

Acuèlh del sit > 5. Articles > A Dòna Isaura

A Dòna Isaura

divendres 1r de mai de 2020

A Dòna Isaura per lo 11 de mai 2020, jorn de Santa Estèla

Aquestei darrièreis annadas
se fasiam rars,
veniam qu’una pichona ponhada,
a-n aquela data,
a tei pès,
te dire nòstra fe.
Aquest an vendrèm pas.
Clemença es ton nom,
clemença te demandam.
Sas  perqué podèm pas venir.
Auràs bèl agachar
de pertot dins lei jardins dau Luxemborg ,
auràs bèl escotar aquelei que passaràn,
veiràs ges de felibres,
entendràs pas lo parlar d’òc.
Sas pron lo marrit mau
que nos ten dins nòstreis ostaus.
Mai Clemença es ton nom,
e siás clemença ; e d’aicí
vese ton sorire
que nos ditz de gardar l’esperança!

Gui Matieu, mèstre en gai saber

SPIP | esqueleta | | Plan del sit | Seguir la vida del sit RSS 2.0