8-Brigitte SAOUMA "Nouveaux regards sur le catharisme" 2017-24 pajas Aprèp "Bernard de Clairvaux et les troubadours" (brocadura n°7), nòstra sòcia filosofa nos dona dins aquel librilhon un savant estudi, ambe un grand nombre de nòtas (referéncias, citacions) sus lo catarisme, un eveniment cultural finalament mal conegut de nòstra istòria nacionala e miègjornala. Lo famós "roman nacional"de la tresenca Republica donèt un imatge caricatural del fenomèn, una secta venguda d’enluòc e que se deviá d’ésser vencuda per qu’existe çò qu’era anonciat de tota eternitat : un exagòn unit. Nòstre car Abat Salvat publiquèt un brèu estudi sens cap de compassion dels Catars que n’avián pas res de far ambe lo Crestianisme. Brigitte Saouma, aprèp qualques pajas consacradas al manicheisme, escriu que lo catarisme, benlèu influençat un pauc per aquela religion persica, es fondamentalament una eresia crestiana.
9-Edmond ROMIEU
"Georges ROUQUIER, l’ome de Farrabica"
2017-28 pâjas
Un Roergàs parla d’un autre Roergàs e ne perla plan. Edmond Romièu, ara octogenari, es un occitano-parlant de naissença que aprenguèt lo francimand a l’escòla, al còp de l’escriure. Dins la region parisenca ont viu, es un occitanista actiu a la SFP-ALO e al Club occitan de Noisy-le-Grand.
Son estudi, fòrça complet, es devesit en tres partidas.
La prumièra tracta de l’enfància e de la joventut d’un fiutur cineasta d’aprèp un manuscrit de G.Rouquièr el-meteis, pas jamai publicat, titolat "Pescaluna". Un enfància malurosa (son paire mort a la guerra de 14), paura emai miserabla, una joventut a Paris dificila mas coratjosa ont descobriguèt sa vocacion.
La seconda partida descriu la carrièra d’un cineasta desempuei "Lo barricaire" (1943) duscas à "Biquefarra’"en 1983, tornat sièis annadas avant sa mòrt. Mai de vingt filmas quasiment tots de documentaris. Los mai ancians dels de la SFP-ALO visquèron dins lo cineclub de loras escòlas qualquee-uns, sens embestiament perqué son de qualitat.
La tresenca partida, aprèp una breva analisi del "Barricaire" e del "Rodièr" es un estudi del cap-d’obra de Rouquièr : "Farrabica’". L’istoria del filme amb’una breva descripcion, lo recit de qualque enganas emprevistas e çò que fa la reüssita d’aquel filme a priori banal.
De que donar enveja de veire o tornar veire a la Cinemateca o en DVD la produccion d’un cineaste de grand talent.
RSS 2.0